lirik lagu balti بلطي - flash || علامات الساعة
[المقدمة]
تشوف و تسمع حكايات تقول يا ربي يا لطيف
تشوف اهوال تشوف أحوال حزينة كيما لخريف
هاك تشوف علامات الساعة ليوم نشوفو فيها
مادام الام ليوم جابت اللي باش تحكم فيها
[المقطع الأول]
تخرج للشارع تضيع كيف تشوف أحوال الناس
اللي حبلت في الحرام واللي مقطع مالاحباس
تشوف الزطال تشوف اللي ياكل في الارطال
تشوف اللي طال بيه الوقت بديبلومو بطال
تشوف احوال تشوف اللي مطيح السروال
تشوف رجال ولاو نسا و نسا ولاو رجال
تشوف الصيد خانس و تشوف اللبة تصول و تجول
تشوف اللي تربى كي الكنيش يحب يولي بيت-بوول
تشوف المأساة خويا طايح عالشيكات
مقطع مالبلاد يتم وراه زوز ولاد
تشوف الفساد هداهم ربي للصلاة
أما تحير كي تشوف اللي كان يصلي ولا مالفساد
تشوف بنات تبيع في شرفها بارخص لسوام
في نهر يطيح في الما اللي تربات عليه عوام
تشوف اللي حب بنية يستخايلها مرا
ربي يلطف بينا اش قاعدة تعمل من وراه
تشوف اللي حصل خذى مرا عمر دار
ياخي جابت عليه الما مرتو جابتلو العار
تشوف لالكوليك قدام دبوزة لالكوول ذليل
يحكي في حكاية طويلة يحكي مع نجوم الليل
تشوف بنات لابسين خمار و لابسين بوديات و دجين
زعمة شنيا لووك جديد بين لموضة و الدين
تشوف الام عندها بنات تلز فيهم للفساد
المفيد تجيب لفرنك مش مشكل اذا زنات
[اللازمة]
يزي ماريت اش مزالت العين تشوف
الدنيا فيها حكايات مليانة احزان و خوف
نحكي على أهلي و ناسي
و اللي في همومها تقاسي
طال عذابهم طال هذا حالهم بالمكشوف
[المقطع الثاني]
هاك ترا هاك تشوف بوليس يجري ورا سراق
هاك تشوف طالب ماد يدو يلوج ع الأرزاق
تشوف اللي ضارب يديه لحمو مغطي بالوشم
روحو بيه اكبيلساي في الطليان كان يشم
تشوف الدم رخص تشوف الموس كي تغرس
تشوف المدغور يبس تشوف اللي دغرو تحبس
تشوف البراكاجات معاش يصيرو كان في الليل
ف أي وقت تتبراكا ف أي وقت الدم يسيل
تشوف بيبان المحاكم محلولة كي فم الجيعان
تشوف اللي خارج منها حزين أكثر مالفرحان
تشوف قدام الحبوسات نسا هازين قفف
تشوف الأم كي تاقف تحت الحيط شادة الصف
تشوف مرا نكرت في راجلها وقت اللي تحكم
من غير ما في بالو طلق خلا ولادو في اليتم
تشوف البو مطيش في الحبس ميعرفش ولادو فين
الام كاذبة عليهم بوهم مات البرة عندو سنين
تشوف اللي خارج مالربطية ماهو فاهم شي
الحي و اللي مات وجوه جديدة في الحي
تشوف اللي كمل حبسو اليوم تاب و حب يريض
اما نظرة الناس ليه ردتو انسان مريض
تشوف اللي حرق أمو تستنى فيه قدام الدار
توا سبعة سنين لا تليفون لا جواب و لا خبار
تشوف اللي خرج البرة جا مالغربة كيف ما مشى
البرة شرب الوسكي ليوم شرب الكوول في دبوسة ما
[اللازمة]
يزي ماريت اش مزالت العين تشوف
الدنيا فيها حكايات مليانة احزان و خوف
نحكي على أهلي و ناسي
و اللي في همومها تقاسي
طال عذابهم طال هذا حالهم بالمكشوف
[المقطع الثالث]
تشوف حجاج خذاو الدين عود ورك لحية و قميص
مالبرة تشوفو ملايكة أما قلبو ملك ابليس
تشوف الدين ولا فييس و الفييس ولا دين
الاخرة دخلت في الشك و الدنيا دخلت في اليقين
تشوف كوبلوات نسا و تشوف كوبلوات رجال
تزعز عرش الرحمن يا لطيف ملا حوال
كيف ما تشوف اللواط تشوف البيدوفيل
تشوف بنت ال14 سنا سهارة بالليل
تشوف مهبول يحكي في حكاية لعندها أول لا اخر
مرتو فصعت بيه هربت مع راجل اخر
تشوف الشرف رخص الشرف ولا بيعة و شرية
تشوف الشرف رخص برشا بنات ولاو بالكرية
تشوف و تسمع حكايات تقول يا ربي يا لطيف
تشوف اهوال تشوف احوال حزينة كيما الخربف
هاك تشوف علامات الساعة ليوم نشوفو فيها
الشمس قريب تشرق مالبلاصة اللي تغرب فيها
[اللازمة]
يزي ماريت اش مزالت العين تشوف
الدنيا فيها حكايات مليانة احزان و خوف
نحكي على أهلي و ناسي
و اللي في همومها تقاسي
طال عذابهم طال هذا حالهم بالمكشوف
Lirik lagu lainnya:
- lirik lagu grateful dead - promised land (live in hartford, ct, may 28, 1977)
- lirik lagu sg studenter - ud i det blå ( skål)
- lirik lagu jae millz - i can't help it
- lirik lagu geebz - we ain't they
- lirik lagu hmmr - found you out
- lirik lagu kodak black - luv 2 flex
- lirik lagu dillon francis & kygo - coming over (crnkn remix)
- lirik lagu shawn ootellemyeah - you're a sky pole
- lirik lagu tracie spencer - lullaby child
- lirik lagu aries - funeral