lirik lagu aminoffice - amine amine
[المقطع الأول]
لمن كنعاود هذا الخواطر لإينا نفوس غتدوز
ماشي لخاطري محبوس فالغرق بإينا رواح غنفوز
شفت فالليل وأنا صغير اللي ما شافوهش خوتي
وسط الدار القديمة رواح كتسارى علاش كنشوفهم بوحدي
با هازني فيديه و أنا كنغوت ها هوما جايين
بحال إلا الدار تبنات فوگ روضة ماتها معايا داويين
الروح من الصغر تغمسات فعالم فشكل
حزن الكبار و اللي ماتو كبروه في من النهار اللول
و كنترجم اليوم أنغام الحجاز اللي كانت مي تنغمها
السنباطي داخل فالعروق الموجي داخل فالعروق
حياتي مقام الصبا خطفها كنحس براسي بير
ما بغاش ينشف من العطاء كيجود الله به الكتابة تيسير
مغطي بالنجوم الضباب فالعين ديما ساهي
كل عرق في كان بالجهد عايش
كان حاس كان باغي
ما يساليش الصغر الكبر كيقتل كولشي زوين
حكمة الله فالأنام الحفرة فيها كاملين مواطيين
علاش كنشوف حياتي بحال الأطلال و أنا فيها حي
علاش كندخل فجو الضنا ملي الذكريات كتولي كي
علاش كنشوف السحاب بلاصة الگايزات
علاش واخا نبغي التغيير كنبقى بوهيمي الكلمات
[اللازمة]
إنا اللي ما عييت
مع الوقت وليت مخاوي الضيق
يمكن نكون راني غالط فالطريق
رخيتها على الله تجي وقت ما كتاب تجي أمين أمين
أنا اللي ما عييت
من نهار كنت كنحس براسي غريب
خويت البلاد و بديت حياتي بعيد
رخيتها على الله تجي وقت ما كتاب تجي أمين أمين
إنا اللي ما عييت
مع الوقت وليت مخاوي الضيق
يمكن نكون راني غالط فالطريق
رخيتها على الله تجي وقت ما كتاب تجي أمين أمين
[المقطع الثاني]
بدا التميز كيبان حتى وليت كنتخلوى و حدودي
صعاب علي نعاشر عامة الناس كنحس براسي مكودي
وليت عيار التابعة البوهالي يالاه داز البوهالي مالو لابس هكذا البوهالي مالو دافع النيف المهور مالو كحاز
القلب ولى طرف من السحاب مملوك من الريح
گاع اللي داز بالعبار كيخلي أثر ملي الغطا كيطيح
الخشوع لاحني فملكوت الهيام
جيت بحال بين المطرقة و الحديد ملي يدق الإلهام
هادشي راه دايز بحال تغميضة
الزهد قتلو التمنضير
القوم بغات اللعاقة و زواق الهيبة
إلا شافو فيك اللي ناقصهم يتكالبو عليك
خس تكون تحت رجليهم باش يحسوا بالقيمة عليك
أنا هو اللي كنت ندوي مع الله و عيني فايضين للسما
گاع الطرقان سديتها على الشك و اللي بيتلي المكايد الحساب حتى لتم
المهم مشغول على اصحاب الشر اصحاب الحملة
اللي كيتاحدوا ملي نبان كينوضوا يجيفوا من الگهمة
بدلوا التنياش راني بحالكم مع الدراوش الكاحزين
فباب الغار اللي غاصبين بلادك راه محسوبين ربعين
راس مالي هذا الكتابة معتاكف مع الآهات
نسالي مع التصبيح و مازال الكمالة فقلب نصه مات
[اللازمة]
إنا اللي ما عييت
مع الوقت وليت مخاوي الضيق
يمكن نكون راني غالط فالطريق
رخيتها على الله تجي وقت ما كتاب تجي أمين أمين
أنا اللي ما عييت
من نهار كنت كنحس براسي غريب
خويت البلاد و بديت حياتي بعيد
رخيتهاعلى الله تجي وقت ما كتاب تجي أمين أمين
إنا اللي ما عييت
مع الوقت وليت مخاوي الضيق
يمكن نكون راني غالط فالطريق
رخيتها على الله تجي وقت ما كتاب تجي أمين أمين
Lirik lagu lainnya:
- lirik lagu soulvasq - elemenohpee
- lirik lagu liviate & jaîsa (ger) - dark places
- lirik lagu saeem - slime out my wrist
- lirik lagu releveu - poveşti cu măști
- lirik lagu benny the butcher & daringer - jasmine's
- lirik lagu tobre - wannabe
- lirik lagu åttiåtte - david blaine
- lirik lagu wiesulis - pēdējo reizi
- lirik lagu vedas toronado - a void
- lirik lagu emerson b. ocampo - nananabik