lirik lagu ali wassouf - the owner of the cart - صاحب العرباية
[verse1]
كرامة مجرورة وعتب مرفوع وضغطه عالي سكره محطم أرقام
سألته كيفك ضاع وتمتم لما صوته خانه وفهمت كلمة تمام
ايده اليمين طلعت عخده متل العم يكذب ويخبي حاله
بعدا صار يحك براسه
وعيونه عم تحفر بأرض الشارع سامع تقل العتب بصوت أنفاسه
آكل همه عالغدا ومتحلي بالصبر
ماسح وشه بالرحمن ومية الحارة مقطوعة
بينه وبين الحيط في أقصر من شبر
يارب البيت دخيلك صرخة رح تبقى مبلوعة
خليك بحالك ملتزم لتقضي هالعمر
والنوم أكتر مخدر حبه وأحلامه مشروعة
نفسيته صحرا والسراب عض الفكر
والعلة دمغة صارت ع جبينه مطبوعة
[chorus]
زمن عاطل والناس تعطلت أشغالا ومابتعرف ع مين تزت اللوم
والشعر براسك شاب وبكرا مو محسبله حساب وهمك كيف تقضي اليوم
[verse 2]
بتذكر نفس الختيار بسنة الألفين يبسط قدام المدرسة بعرباية فول
عنده تلت ولاد، أسامة ورأفت والتالت أصغر واحد عبد الغفور
أسامة مات بأول الأحداث بدوما والجثة ضلت بأرضا والعيلة خسرت كبيرا
تاركلن بنتين وأم ترملت بعز شبابا هادا حظا وهيك مكتوب يكون نصيبا
رأفت انقطعت أخباره من لما انفرز ع دير الزور وأمه لسا بتستنى خبر يحكيلا
بتلوي القلب بتشلخ الفؤاد وكل نسوان الحارة بالمجالس عم تدعيلا
عبد الغفور دارس محاسبة اتوظف براتب ما بيكفي حتى يدفع الأجار
همه حاله وهمه أهله والسيجارة ماعم تطفي بتحرق الحسرة بقلبه بمرار
وولاد أخوه صغار وشافوه السند والأب
بحارة عشوائية خلقوا فيا ومالن ذنب
فتحوا عيونن على الدنيا وشافوها حرب
بتاكل الأخضر واليابس بتخلّف دمار
[chorus]
زمن عاطل والناس تعطلت أشغالا ومابتعرف ع مين تزت اللوم
والشعر براسك شاب وبكرا مو محسبله حساب وهمك كيف تقضي اليوم
[verse 3]
همك كيف تقضي اليوم وبالك بعده بمبارح وبتوتر إذا المصايب خفت
anxiety و panic attacks
والكظر فوق الكلية انتفخ ودموع عيونك نشفت
والجيل الطالع عم يربى بعوز مستقبل مبين أسود والقاضي راضي وحاكم عالضحية
كفة الميزان اتعفشت، شنقوا العدالة والشاطر رح يدحش اصبعته بسفل القضية
سفرجلية الغصة وملحمية تقاسمنا صخرة سيزيف ولازم نطلع الجبل بهمة
منمشي خطوة منرجع عشرة منطحن الهوا ومندق المي منترجى العزاء بأصغر بكلمة
منكذب طبع غالب لحتى نتغير لازمنا شغل كتير وواضح
دونكي شوط العايش فينا و الليل مصحينا راسم المجد بماضينا والفضايح
أيام متل الحلم عشناها
صور عن بكرا خزقناها بلئم وغل وصرنا تنحسر عليا
والقضايا استوردناها غلفناها اسقطناها. صرنا نشارع نتعصب ونحارب فيا
والرفقة كبينها تشوه المفهوم وضاع
والتسالي حبيناها وعلينا الضياع
بس لساتنا up~to~date عأخبار النزاع
……حبينا نشكركن لحسن الاستماع
والراس دق السما وحجبنا الشمس وعنا كبرة
ونسينا وتناسينا أنه اللعبة بأصلا عبرة
والعالم بطلت تعرف تتواصل خالص
شفنا الكمال ، عيرنا غيرنا بالنواقص
بس الصور بتعز …وبتعطي جاه وقيمة
والنوع المستفز… عنده الحياة سليمة
رش الأرض بالرز… قلك إيمان وغيمة
خالفته فجأة كز ..وحطا بقلبه ضيم
Lirik lagu lainnya:
- lirik lagu элви (alvie) - vice city
- lirik lagu estelle - fire
- lirik lagu lil chrome (christian) - got god
- lirik lagu ihbn - daddy’s dough
- lirik lagu gxllium! - who killed cassie?
- lirik lagu gambino - médaille
- lirik lagu zacsrevenge - wanna know sum?
- lirik lagu laioss - oyasumi laïoss
- lirik lagu andrew detti - somehow
- lirik lagu roy kim - 내게 사랑이 뭐냐고 물어본다면 (if you ask me what love is)