lirik lagu aiyy siene - kiirii
[текст песни «kiirii»]
[куплет]
үс дойдум түсчүттэрэ
эһиэхэ утары хайыһан тураммын
көҥүл санаабын көҥүллэтээри
иллээх санаабын ииттинээри
ийэ кутум илдьитин иһитиннэрээри
иһийэн эрэбин
төлкөлөөх төлөн тылбын өһүлэн эрэбин
алгыстаах ала чуор айахпын атан эрэбин
аан тылбын арчылаан аһарбын көҥүллээҥ даа
аҕыс иилээх саҕалаах аан ийэ дойдум
эн үрдүк күөҥҥэр сүгүрүйэммин
сөһүргэстээн эрэбин
сирим дойдум бука бары иччилэрэ сымнааҥ дуу
амарахтаан айбыт айыыларым
ааттаһар ала чуор саҥабын арыаллааҥ дуу
сир дойду түннүктэрэ
ытык кырдьаҕастар
амарах санаалаах хотун эдьиийдэриэм
эрдинэр тылбын тылдьыттааҥ даа
айыы өбүгэлэрим, эрэллээх эркиммин эргийин даа
китиэнэх киһи килбэйэр киинигэр дьогдьойор саалыгар омуннаах орто туруу дойдум отут саһаанын ортотугар
оройбунан түспүт киимминэн кистээбит киһи~аймах буолан киһитийэн олорор ортолоох олохпор
одун хаан оҥоһуутунан дьылҕа хаан ыйааҕынан
саха буолан кэлбит дьолбор махтанан айгыстан эрэбин
ааспыт үйэм күүрээннээх күүстэрэ сүүрүктээх үрүйэлэрэ үтэн кэлэн үтүө санаа өрүтэ буолан туолар санаа саргыта саараан саҕыллан эрэҕит
өр сылларга иитэр иһиппэр бигээн
харахтаах хаппахпар хатаан хаайа сылдьыбыт ханыыбын утары уунабын
айбыт айыыларым аҕыс өттүбүттэн арыаллааҥ даа
тоҕус өттүбүттэн күрүөлээҥ даа
дьонум~сэргэм барахсаттар олуһун да кытаанаах истээччи буолбаккаҕыт баары баардааҥҥыт
суоҕу суохтааҥҥыт сууһаан аҕалаҥҥыт бэйэбит туһа диэн дьиҥ искитинэн аһараҥҥын алгыстаах амарах санаам ыллыктаах ымыытын ыырдааҥҥыт
айыы тыыҥҥытыгар сыһыары тутаҥныт сахабыт самныбат саһарҕатын сандаардар туруктаах туһаланыаҕы
күннээх суолбут аартыга арыллан айхаллаах алаһабытыгар туомнаах туонабытыгар анаан айанныаҕыҥ
тутул айыым
торул ыйым
күнүм чэргил
Lirik lagu lainnya:
- lirik lagu laura duff - all sewn up
- lirik lagu sabrina carpenter, dolly parton - please please please (feat. dolly parton)
- lirik lagu haunted mouths - so peculiar
- lirik lagu bryce xavier - it's been a good game
- lirik lagu yung naughty, yung mj - ian type shit
- lirik lagu seoseo (서서) - wherever you are
- lirik lagu jessie vatutin - krapiva (крапива)
- lirik lagu carriers - every time i feel afraid
- lirik lagu millkzy - beauty within a beast - poem
- lirik lagu tsai - diam