lirik lagu abul3ees - youm el 7ad
[ abul3ees : المقطع الأول ]
فاقد الثقـة بالنفس, بجابه التوتر والإنتماء
قاعد بالبيت, محتمي بالتستر والإختباء
إن طلعت برا هالقيت, طلعت بالإرتماء
بالنسبـة إلي, التأقلم مش إلا مجاملة للأجواء
لإنه منافق إذا بتحكي الدنيا شمس وهي شتاء
مهي السماء, واضحـة إذا فيـها ماء
وهيك الناس, جسدها شفـاف, مثل الأزاز
تحاولش تثبت حالك, إذا بس بدك لايك ع ستاتس
تحاولش تغني, إذا بس بدك تكون للمايك عساف
ركز ع بس, تقلبش الأحرف سلطة والبا دال
بدكش تنقطع رزقتك, فـ تفتفتش هالـ مال
ما تفتفشش عالكمال, وما تفتفش عالأحوال
وإن عصبت تتفشش بالأمال, أو الأهل
خود نفس بارد ع مهل, وروح سارد بالسهل
كإنك بتساهم بحقل, إلا ما تكون مارر بوحل
بس ثابر بأصل, حتى تكون حارث بعقل
[ bill amaliyeh : اللازمة ] x2
سلبي إيجابي المود, بقضيها طلوع نزول
سبعــة أيام بالاســــبوع 52 بالســنة
مش قاصد ديرها نق, التشاؤم خطير بحق
بس بدون شوية شك الطريق ما بتكتمل
[ abul3ees : المقطع الثاني ]
ألمي بفضي حبر, فمايل بالسطر
بحك راسي كتير, كإني بحارب بقمل
شعوري صفى عشوائي زي القرعة
عايش النهار بحياتي بشوي سرعة
التفائل سابقني فترات وفترات
بس النكد وراي وراي, صفيت متروك ما بين
الصحـوة , أو مفروك العين
قليل ما أشوف النوم قبل مطلع الفجر
أحس بأبوي بتجبد, فأستناه لأسمع الفخر
بشغل شوية فيروز, تعدلي المزاج
بهدي الدماغ, لإنه هالصوت بنعدلي مساج
برخي وبتاوب , بركي عالمكتب
اللي مع الكرسي بتناوب, الدور
يحمل مخي البتداوخ, لحد ما أدقق بالوقت
وأقرر أنخمد عالتخت, وبعد ما نمت
إنفلت بِمنام , عن يوم الغد
أواسي حالي وأحكي
إن توفقت بكرة هو يوم الجد
بعد ما أفيق, بلاحظ إني تأخرت
ههـ, أصلاً ماله يوم الحد ؟
[ bill amaliyeh : اللازمة ] x4
Lirik lagu lainnya:
- lirik lagu big data - dangerous (chappo remix)
- lirik lagu bill ding - they told me
- lirik lagu abba - fernando [spanish version]
- lirik lagu alfredo olivas - me pusieron sergio
- lirik lagu i hate this place - like they even know
- lirik lagu lafee - du liebst mich nicht
- lirik lagu dru blu - f64 series 3 episode 11
- lirik lagu femdot - happy break up song
- lirik lagu maria dolores pradera - la flor de la canela (con joaquín sabina)
- lirik lagu nubi - engrenage